%20-%20Copy.JPG)
25. februarī Daugavpiļs teatrī pyrmizruodeita gondreiž kriminala komedija „Divas virtuvē, neskaitot līķi” latgaliski – „Divejis vyrtuvē, naskaitūt nabašnīku”, kura īstudeita Oļega Šapošņikova i Māra Korsieta režijis tandemā.
Uz skotuvis rysynojās tragikomisks stuosts par divejom dažaidu paaudžu sīvītem, kurys nūnuok dīzgon kuteleigā situacijā i sovim spākim cenšas nu tuos izakapačuotīs. Vīns gudrinīks reiz saciejis: „Ja problemu var atrysynot ai naudu, tei nav problema, bet izdavumi.” A kū dareit, ja cena izaruodīs puoruok augsta?
Izruodes pamatā ir ukrainu dramaturga Aleksandra Mardaņa luga „Muotis i meitys” ( oriģ. „Дочки-матери»), kuru latgaliski iztulkojuse i Latgales realejom pīmāruojuse Kristīne Veinšteina. Jei poša izruodē spielej vīnu nu sīvītēm, kuru atzeist par drūsmeigu, aizrauteigu i gudru. Kristīne Veinšteina soka: „ Liktiņs cylvākim īdola dažaidu vierteibu kartys – kaidam pasaveicās, citam mozuok. Divejom sīvītem izruodē truopējušās na tuos lobuokuos kartys, tūmār rysynuojums juoatrūn. Uz skotuves radzamīs naparostīs stuosts apstyprinoj patīseibu, ka dzeivei reizem pateik mest taidus nagadeitus kyulīņus, kurim mes nimoz navarom sovlaicigi sasagatavuotīs.”
Mīlūša muote i loba meita – taidys lūmys juospielej obom sīvītem. Dreiž atnuoks gaideitīs cīmeņš - vīneigīs ituo vokora izruodes skateitojs, - kas cer izbaudeit syltu vīsmīleibu i muojeigu gaisūtni. Muote i meita suoc gatavuot vakariņis, bet obu attīceibuos jyutams sovaids vāsums i nauzteiceiba. Pēc tam, ko nūskanēs durovu zvons, suoksīs eistuo spēle. Bet kuodēļ taida sajyuta, ka nivīns nagryb ityumā spēlē pīsadaleitīs?
Izruodē spielej aktrisis Kristīne Veinšteina i Agnese Laicāne. Izruodes režisori – Oļegs Šapošņikovs i Māris Korsiets, scenografijis i kostimu autore – Inga Bermaka, gaismu muokslinīks – Sergejs Vasiļjevs.
Tyvuokuos izruodes : 26. martā plkst. 15.00; 23. apriļī plkst. 15.00.
Beleti: Daugavpiļs teatra kasē ( 654 26520), „Biļešu paradīze”, taipat internetā www.bilesuparadize.lv