Nagaideita mīlesteiba puorsteidz muižys īpašnīku misteru Ročesteru i dorbā saleigtū juo guvernanti Džeinu Eiru.  Bet Tornfildys muižys sīnys globoj dryumu nūslāpumu, kas apdraud obeju mīlietuoju laimi.

Angļu rakstneica Šarlote Brontē romanā „Džeina Eira” izveiduoja sovam laikam revolucionaru byutni, kura leidz pat šai dīnai īdvesmoj sīvītes vysā pasauļī.  Džeina Eira ir kai sinonims spieceigai personeibai, kam rakstureiga augstsirdeiga doba, dzeļžaina gryba i augsti moralis princypi.

Izruodē lūmys izspielej vairuokuos dimensijuos:  uz skotuves emocijis izdzeivoj gon dramatiskīs aktīrs, gon solists ar vokalu izpiļdiejumu, gon dejuotuojs caur sovu plastiku.

‍

Pyrmizruode: 2018. goda 7. junijā

Īstudiejums veidots ar Latgales  reģiona attīstības aģentūras, ValstsKultūrkapitāla fonda i  A/S LatvijasValsts meži finansialu atbolstu.

Skateituoju atsauksmis:

„Maņ beja napīcīšamys vairuokys dīnys, lai atsagivtūs nu tuo breinuma,  kuru  kai duovuonu pasniedzēt skateituojim Reigā!  Asmu dīzgon bīži apmekliejuse  izruodes Šveices i cytu Eiropys vaļstu teatrūs, tuopēc drūši soku – jyusim ir augstuokuo gaumis i kvalitatis pakuope.  Īspaideiga, 2018. godam atbylstūša scenografija, kurys līmeni napuorspātu daudzi slavani teatri.  Muna vysleluokuo pateiceiba režisoram.  Nu  pazeistamuo romana satura pajemt pošu golvonū,  salikt kūpā i uzajimt īstudiešuonys  riskus -  bravo! Tai as klīdžu zālē i turpynoju tagad.”

Inga Pētersone

‍

„Satrīcūšs vokals, kreativa horeografija, stileigi kostimi – tys vyss par muzyklu „Džeina Eira”.  Izruode atkluoja maņ Daugavpiļs teatri.  Taidi talanti Latgolā!  Drūsmeigs muzykla īstudiejums: izruode nūteik vairuokuos paraleluos dimensijos: vīni muokslinīki satrīcūši labi dzīd,  cyti – dejoj, bet dramatiskī aktīri izspielej emocijis.  Tūmār vyss ļūti dabiski, bez samuoksluoteibys.  Šarlotes Brontē romanam tagad ir jaunyus kruosys, bet teatrim – daudz jaunu pīlyudzieju.  Barvo! Breineigi!”

Ņina Doždeva

‍

‍

‍