Itys byus stuosts par Jaunkuņdzis, muna cylvāka, liktineigū sasatikšonu ar mani. Jaunkuņdze ir rakstneica, bet es sovā septeitajā dzeivē asu īguojuse, kab palyktu par muzu. Sasagadeišona? Nadūmoju. Maņ jei juodaradynoj i juoīvuica mani mīļuot taišni taidu, kaida es asu – nu ausu spolvu galeņu da depu spiļviņteņu. Maņ juoizdora vyss, kab stuosts par mani teik īmyužynuots gruomotys vuokūs…

Izruode taiseita piec greku rakstneicys Lenys Divani romana “Septenis dzeivis i vīna lela mīlesteiba. Kača memuari” motivu i ir paradzāta sevkuram, kurs ir gotovs atzeit kaču vierspavieļnīceibu.

P.S. Kaču reiceibā asūšuo statistika nūruoda, ka cylvāki, kurim ir kačs, dzeivoj par 10 godim ilguok, kam bīžuok smaida, bīžuok smejās i bīžuok sasamīļoj.

Pyrmizruode– 2024. gods 10. decembrī

‍