Izruodē ir apvīnuotys divejis „Kaijis” - Antona Čehova i Borisa Akunina. Izruodis pyrmajā daļā tiks rekonstruātys labi zynomuo klasikys dorba nūtikšonys, sovpus turpynuojumā byus skotoms Borisa Akunina lugys īstudiejums, kurā teik maklāts Konstantīna Trepleva īspiejamais nuovis īmeslis.
„Kaija”, nūslāpumu pylnuo luga, kurū Čehovs ir nūsaucs par komedeju. Par muokslys ļaužu it kai mīreigū dzeivi pi „magiskuo azara”, kas izaruoda ironejis, cīsšonu i vīntuleibys pylna. Par sapynim i ilgom, kas otkon i otkon izškeist kai viļni pret klinti. Nūtikšonu vērtine, kas nūvad vīnu nu varūņu pi tragiska gola.
Kurs ir vainojams Konstantīna Trepleva nuovē? Kotram nu „Kaijis” varūņu ir bejs i motivs, i vareiba. Tok nivīna situaceja nav vīnnūzeimeiga. Skateituojam tiks pīduovuoti seši interpretacejis varianti, kas sevī īkļaus na tik nūtikšonu tuoluokys atteisteibys, tok ari paguotnis nūtikšonu variacejis. I nūslāgumā kotrys varēs izdareit sovus sacynuojumus.
Projektam „Kaija. Izmekleišona” sajemts Vaļsts kulturkapitala fona finansials atbolsts.
Teātra kritiķa Toma Čevera recencija: Pulkstenis turpina mirgot.
