Izruode bys loba gon tīm, kas ikdīnā runoj latgaliski, gon ītū latvīšu volūdys paveidu vīn dzierdējušīm – Spreideiša laimes mekliejumi tok vyspuorzynomi kai mozīm, tai pīaugušīm, bet jaunu skaniejumu skotuves nūtykumim pīškiers latgalīšim rakstureigīs sirds syltums i dzeivesprīca.
Nikur nav tik labi kai sovā sātā. Tūmār Spreideišam juoiztur vairuoki puorbaudiejumi, lai saprostu muoju syltuma vierteibu. Bāgdams nu apniceigīm dorbu pīnuokumim i borguos pamuotes ruojīnim, Spreideits dūdās pasauļī meklēt savu Laimes zemi. Ceļā jis sateik Meža muoti i Vieja muoti, spākojās ai miļzi Lutausi i nagodnū Seikstuļi i pīveic pošu Nalobū. Daudz kū pīredziejis, Spreideits saprūt, ka sirdi nasylda ni apsūleituo bogoteiba, ni īspēja tikt par znūtu pošam Kieneņam – eista laime ir vīn dzymtajuos muojuos kūpā ai tyvinīkim.
Izruode „Spreideits” sajēmuse Latgalīšu kulturys goda bolvu „Boņuks 2022”
Teātra kritiķes Kitijas Balcares recenzija: Stuotīs preteimā ļaunumam.
