Koncerts suoksīs ar muzykali teatralu izvadumu, kas veļteits Daugovpilī dzymušajai teatra legendai Solomonam Mihoelsam i juo dailradei. Koncerta ūtrajā daļā skateituojus sagaideis teatra kapustniks – akteru i teatra draugu saryupāta izklaidis programa, kurā muzykali prīšknasumi meisīs ar ospruoteigu teatra i pasauļa nūtikšonu apskotu. Gūdynojūt bejušū, nūviertejūt asūšū i apcerejūt laiku iz prīšku, svieteisim teatri kūpā!

Itamā dīnā teatrī tiks atkluots Solomona Mihoelsa skulpturalais portrets (tieļnīks Glebs Pantelejevs), kurū skateituoji varēs apsavērt i pyrma koncerta, i ari teatra apmekliejuma reizēs iz prīšku.

>>>

Īīšona teatrī nu 18.00 stuņžu.

‍