Amerikaņu dramaturga Sema Bobrika luga „Breivdīnu komedeja” (Weekend Comedy) atainoj situaceju, kurā atpyutys nameņa eipašneicys pīlaistuo klaida, izīrejūt nameņu divejim puorim reizē, palīk par liktineigu pagrīzīņa punktu obeju puoru attīceibuos.
Jau pyrmajā kūpeigai pavadeitajā reitā palīk acimradzams, ka obejom paaudzem atrast kūpeigu volūdu nabyus tik vīgli, i nacīšami garuos breivdīnys attaisa obejim puorim acs iz jūs attīceibu styprajom i sluobajom pusem. „Vyss puorsamej, ari mīlesteiba,” atzeimej vīns nu varūņu, tok izruode paruoda, ka tys napavysam nanūzeimej koč kū nalobu.
.JPG)
Izruodis režisors Olegs Šapošnikovs: „Itū izruodi var saleidzynuot ar grupys psihoterapejis seansu, kurā caur jautru stuostu teik apsavārtys lauluotūs dzeivis problemys, sovutīs skateituoju zālis kūpeigī smīkli palīk par dzīdnīcysku leidzekli. Izruode byus saistūša vysim puorim - i tim, kuri tik naseņ suokuši dzeivuot kūpā, i tim, kuri jau lobu laiku pavadejuši lauleibā. Tok turim nūceju, ka eipaši nūdereiga tei byus jaunajim puorim, kuri piec izruodis nūsavieršonys varātu jau sovlaiceigi aizadūmuot par byutyskū sovuos attīceibuos.”
Izruodē pīsadola Žanna Lubgāne, Viktors Jancevičs, Zanda Mankopa, Nikolajs Gedzjuns. Rodūšajā komandā: režisora asistents Māris Korsiets, scenografe i kostimu muokslineica Inga Bermaka, gaismu muokslinīks Sergejs Vasiļjevs. Izruode paradzāta skateituojim nu 16 godu vacuma. Izruode ir krīvu volūdā ar tulkuojumu latvīšu volūdā titrūs.
Bileti: “Biļešu servisa” kasēs vysā Latvejā i www.bilesuserviss.lv
