Nominantu vydā ir ari Daugovpiļs teatra izruode “Nūdzeitus zyrgus nūsaun” (kategorejā “Myusu dīnu deju īstudiejums voi nūtikšona”), kai ari ituo īstudiejuma horeografe Irina Bogeruka (kategorejā “Myusu dīnu deju horeografe/-s”).
Dejis bolvys padūšonys ceremoneja nūtiks 29. aprelī Vydzemis koncertzālē “Ciesis”, tīšraide – Latvejis Sabīdryskuo medeja portalā LSM.lv i satura atskaņuotuojā REplay.lv, atlyktuo tīšraide – LTV1.
.jpg)
Nu 1. da 25. apreļa Latvejis Sabīdryskuo medeja portalā LSM.lv nūtiks Dejis bolvys skateituoju simpateju bolsuojums, kurā byus vareiba izalaseit skateituoju īmeiļuotuokūs dorbus kategorejuos "Dejis īstudiejums" i "Dejis nūtikšona".
Dejis nūtikšonys diveju godu periodā vērtēja i nominantus izalaseja žurejis komiseja: žurejis komisejis prīšksādātuojs, laikmeteiguos dejis eksperts Dmitrijs Gaitjukevičs, laikmeteiguos dejis eksperte Sintija Siliņa, myusu dīnu dejis ekspertis Edīte Ābeltiņa i Anastasija Jasvina, baleta eksperti Lita Beiris i Erlends Ritenbergs, skotuviskuos tautys dejis eksperti Jānis Kalniņš i Artis Puriņš, kai ari muokslineica, muokslys terapeite i muokslys mediatore Lība Bērziņa.
Dejis bolva ir augstuokais apbolvuojums profesionalajā dejis muokslā. Reizi divejūs godūs tū pīškir baletā, laikmeteigajā dejā, skotuviskajā tautys dejā i myusu dīnu dejuos par sasnāgumim jaunīstudiejumu, izvadumu i dejis nūtikšonu radeišonā, kai ari pedagogiskajā i pietnīcyskajā dorbā. Dejis bolvu reikoj Latvejis Dejis informacejis centrys sadarbeibā ar Kulturys ministreju i Cāsu nūvoda pošvaļdeibu. Ciesis 2025. godā ir Latvejis kulturys golvyspiļsāta.
Sokom paļdis žurejai par nūviertiejumu!
"Nūdzeitus zyrgus nūsaun" komanda, mīļojam i lapnojamēs!
