Izruodis “Kaija-1” pamatā ir Antona Čehova pasauļslovonuo luga, kura viestej par muokslys ļaužu, kai ruodīs, mīreigū dzeivi pi azara, kas izaruod ironejis, cīsšonu i vīntuleibys pylna. Tok itamā izruodē „Kaijis” varūnim ir vareiba atsavērt nūtykušajā i raudzeit izprast pošim sovys darbeibys i emoceju uzplyudūs izsaceitū, kab mieginuotu atbiļdēt iz vaicuojumim – kurs, deļkuo i kai nūvad jauniekli Konstantīnu Treplevu pi tragiskuo gola.
Izruodē “Kaija-2”, kurys pamatā ir Borisa Akunina luga, kai eistynā detektivā teik maklāts Konstantīna Trepleva īspiejamais nuovis īmeslis, pīduovojūt skateituojim vairuokus variantus, kas sevī īkļaun na tik nūtikšonu tuoluokys atteisteibys, tok ari paguotnis nūtikšonu variacejis. Akunina lugā izaruod, ka kotrys “Kaijis” varūņs varātu byut potencialais Konstantīna Trepleva nuovis vaininīks. Varūni otkon i otkon atsagrīž nasenejā paguotnē, atkluojūt kotra īspiejamū motivu i vys jaunys Čehova varūņu škautnis.
Izruodi “Kaija 1” varēs nūsavērt 7. martā 18.30 stuņdēs, sovpus izruodi “Kaija 2” – 10. martā 17.00 stuņdēs.
Bileti: Daugovpiļs teatra kasē (654 26520), “Biļešu paradīze” kasēs i škārsteiklā www.bilesuparadize.lv.
Informaceja par atlaidem
Skateituojim, kuri gribēs apmeklēt obejis izruodis, teik pīduovuota atlaide biletu īguodei iz ūtru izruodi. Atlaide byus daīmama pierkumim sevkurā “Biļešu paradīze” kasē, tok na škārsteiklā.
Pierkūt biletus iz obejom izruodem vīna pierkuma ītvorūs, tiks pīškierta 50% atlaide ūtra izruodis bileta īguodei.
Veicūt ūtrys izruodis bileta pierkumu piečuok, “Biļešu paradīzes” kasē byus juouzruoda izruodis “Kaija 1” voi “Kaija 2” bilets, i ūtrys izruodis bileta īguodei tiks pīmāruota 20% atlaide.
Foto: Džeina Saulīte
